我敗了...!

香港區會九十周年會慶徽號設計比賽
一心想着自願代表"公理堂"參賽，應該都實食冇"痴"牙...誰不知在二百幾位參與者中最後敗給了一位小學生，佢個設計好唔好呢...見人見智呢?
但煦煦睇過，就話喜歡爸爸的設計多D，總算有個支持者!

http://www.hkcccc.org/News/viewNews.php?aid=600

燒鷄翼 :)

額外假期應該少去人多地方，所以入到深井吸吓新鮮空氣，減少交叉感染！
去到深井唔食燒鵝，燒隻鷄翼也不錯...隻鷄應該冇病掛？！

煦煦與楠楠

生活近照一張，好不容易才拉近兩位大人拍照，望吓鏡頭呢...笑！

不可思議之生命價值再思

轉載

親愛的弟兄姊妹：

* 我只想和您分享一些不可思議的事情！
*真不可思議？

*一張一百元正的鈔票在教會奉獻時是多麼大的面額，
*但在行街購物時卻是如此的細小？
*真不可思議？*

*兩小時在教會過就好長 ,
*但看一套好戲就好短？
*真不可思議？

*當禱告時要找一個字都好難，
*但與朋友傾談時卻口若懸河？
*真不可思議？*

*有人覺得讀一章聖經又難又悶，
*卻很容易地就看完百多頁的小說？
*真不可思議？

*人人都想在演唱會或在遊戲時坐在前排，
*但在教會他們無論如何都會坐後排？
*真不可思議？

*我們要教會預先兩三個星期通知活動，
*才能安放在自己的時間表裡，
*但我們只需用兩三分鐘就安排好參加其他的活動？
*真不可思議？*

*我們很困難才能從神學到真理與人分享，
*卻好容易就學到講閒話，
*甚至謠言滿天飛？ *真不可思議？

*我們相信在報紙雜誌中講的每件事，
*卻懷疑聖經裡所記載的事蹟？
*真不可思議？

*人人都想上天堂，
*卻不願去了解和探索任何東西？
*真不可思議？

*我們常常將笑話從電郵傳來傳去，
*但! 當我們要將神的信息傳給別人時，
*卻一再考慮？
*真不可思議？

*你現在竟然能看到這信息，
*卻又願意傳給你所認識的每位朋友。
*假如你不這樣做，
*你不單只奪取自己得到祝福的機會，
*同時也奪取別人被祝福的機會！
*可能在你朋友的生命中，
*正需要認識那位不可思議的神？
*真不可思議！！！


最不可思議的是, 這不可思議的神 ,
從未放棄過我們這些心硬得不可思議的人。

全港(東區)英文歌唱比賽

星期六，煦煦學校参加了全港(東區)英文歌唱比賽，一班監犯仔唱得誤錯，结果得到第三名，煦煦有幸代表攞奘，當時佢表現得好開心與興奮。

靈光呀 !!

係唔係幾有型呢？

我是主的羊

煦煦第一次演出...登...登登...小羊一隻,明年努力做牧羊人.

賞"花"悅事

煦大少學校推行種花計劃，一人一盆花，每星期做一個成長小報告，直至...開花結果或死咗！
當然如此小事，緊係交比大少家中的三位工人負責打点呢！
不過，得閒佢都會親自澆水(玩噴水)，欣賞吓所得成果。

花鼠明星俱樂部

好幾次襯我短週時候，我哋一家人也會出動去睇早場，上週六就睇咗"花鼠明星俱樂部"，好唔好睇？
故事內容與電腦3D效果都算合格！開開心心嗎！
下一個目標係睇一套卡通蜜蜂戲，你有冇興趣呀？一齊去吖！

當超人遇上煦煦…

週日行經SOGO，嘩！睇見真人辦超人一個企響倒，觀其一身裝束...
呢份工唔易做...

跆拳道

上了兩三堂，越見煦煦喜歡上堂，星期中已經希望快到星期五/六，原因係有兩位師姐親自教授，又可以郁手郁腳，緊係開心。
聽到師姐第一樣要煦煦改善的係...扎馬時收起個肚腩... :>

太空搖搖椅

搖吓搖吓，好舒服喎！坐到兩母子都睡着了...

十一月份週刊封面設計(四)

又一簡單直接的表達手法，財富應儲在天上或地上？手擁有的財富又是否永恆呢？

迪士尼一天遊

迪士尼一天遊 (12-11-2007)

雖然貴咗D,但都都玩得好開心... :>

十一月份週刊封面設計(三)

週年謝恩大禮拜,所以就做一個畫公仔畫到出腸的圖像表達，豐豐滿滿的蔬果用一雙誠心誠意的手獻上，公公正正，平平衡衡，最後批準過關。

十一月份週刊封面設計(二)

沒完整的心，再多的愛也不能盛載！
今個月四個封面設計特别多"十字架"圖像，這個更甚，已經被提醒了...

賣旗日

星期六早上，應該是煦煦一生第一次用自已錢買旗，雖然攞錢出嚟時有點困難(口袋太窄)，但有心的人，一定會得，最後佢重買咗兩支旗，其中一支送了比我，真係多謝曬！
:>