昨晚,兩父子高高興興七点鐘去到東區泳池游水(實質係浸水,又可以話係洗澡).郭煦由開頭怕水唔肯落,至最後唔願走,足足玩咗一個鐘.之後開開心心地与睇我哋游水的媽媽回家...食奶...睡覺...那又估到一早起牀,婆婆与媽媽便說:[煦煦發燒了...39幾!].當然,我便成第一罪人呢!冷親佢,食到正... :<
而郭照又可享用佢特權,就係上我哋張牀一齊瞓,sorry...係我瞓地下,佢瞓大牀.
最後,為求個明白,我哋查詢仁醫趙醫生,得來初步估計係煦煦本身可能已帶有一定的病毒,而在他體弱時發作.
我哋會堅持繼續游水做運動,小病是福.
4 則留言:
上次遙遙病，都係師父給她穿少了外衣，當然給我"鵝"了一論。現在，醫生說是體內有一定的病毒才發病，那師父便可逍遙法外了！
祝Enoch 快D好番！
CT
總之一句到尾：當阿仔阿女生病時，第一個受靶梗係做阿爸嘅！
今個星期六下午，由於業嘉要考試，我本想單獨帶小棠出席朋友在九龍永光堂舉行的婚禮。但老婆知道後便不斷出言「恐嚇」，話怕我一個人應付不了，又擔心我忙着和朋友聚舊而忽略BB，加上晚上BB亦要參加公青團慶，在外的時間太長會有問題等等，總之一句到尾：若果攪到阿女病咗，就唯我是問。
正一係未出發，先捱靶...
石
病之嘛，有咩好驚？
我三個細路喇！從來未捱過靶！只有我怪外母給孩子穿衣太多。
著衫咩？我的原則係寧少莫多！麥子信現在開冷氣也不蓋被，還揭起上衣露出肚腩來睡，我都拿他沒辦法，因為這樣子也能教他汗流夾背，連床鋪也濕透，我昨晚就給他「濕」醒了！
可憐的郭煦又生病 ~!
CEO,都係等煦煦好返先游水好。
佢一病，你都冇好日子過喇!
煦煦,你要堅強啊! 祝早日安康!!!
fontaine EE
發佈留言