賞"花"悅事

煦大少學校推行種花計劃，一人一盆花，每星期做一個成長小報告，直至...開花結果或死咗！
當然如此小事，緊係交比大少家中的三位工人負責打点呢！
不過，得閒佢都會親自澆水(玩噴水)，欣賞吓所得成果。

花鼠明星俱樂部

好幾次襯我短週時候，我哋一家人也會出動去睇早場，上週六就睇咗"花鼠明星俱樂部"，好唔好睇？
故事內容與電腦3D效果都算合格！開開心心嗎！
下一個目標係睇一套卡通蜜蜂戲，你有冇興趣呀？一齊去吖！

當超人遇上煦煦…

週日行經SOGO，嘩！睇見真人辦超人一個企響倒，觀其一身裝束...
呢份工唔易做...

跆拳道

上了兩三堂，越見煦煦喜歡上堂，星期中已經希望快到星期五/六，原因係有兩位師姐親自教授，又可以郁手郁腳，緊係開心。
聽到師姐第一樣要煦煦改善的係...扎馬時收起個肚腩... :>

太空搖搖椅

搖吓搖吓，好舒服喎！坐到兩母子都睡着了...

十一月份週刊封面設計(四)

又一簡單直接的表達手法，財富應儲在天上或地上？手擁有的財富又是否永恆呢？

迪士尼一天遊

迪士尼一天遊 (12-11-2007)

雖然貴咗D,但都都玩得好開心... :>

十一月份週刊封面設計(三)

週年謝恩大禮拜,所以就做一個畫公仔畫到出腸的圖像表達，豐豐滿滿的蔬果用一雙誠心誠意的手獻上，公公正正，平平衡衡，最後批準過關。

十一月份週刊封面設計(二)

沒完整的心，再多的愛也不能盛載！
今個月四個封面設計特别多"十字架"圖像，這個更甚，已經被提醒了...

賣旗日

星期六早上，應該是煦煦一生第一次用自已錢買旗，雖然攞錢出嚟時有點困難(口袋太窄)，但有心的人，一定會得，最後佢重買咗兩支旗，其中一支送了比我，真係多謝曬！
:>

十一月份週刊封面設計(一)

設計的初稿是滿牆都是先祖的掛相，主要凸顯中間十字架，經過研究修正集中了十字架的圖像，再加上人物配襯，一代傳一代,薪火相傳！

預防孩子的健康

煦煦與Tintin

遊樂場+兒童=快樂

兩家人

數月前，偶然於戲院前撞見HOMER一家人，難得老友見面，寒暄問候幾句後，即場影張相留念！
1...2...3...笑... :>

親子活動

上到N2,煦煦開始學寫字，要學好寫字先要控制好隻手仔，畫直、橫、斜、圓線。
所以每當飲茶閒時也會與他玩一玩，我先用點點畫好外形，再加少少佢熟悉的公仔(增加樂趣)，然後慢慢地教佢一點一點的連起。有時會畫得唔好，飛曬出去...但唔緊要嫁，多鼓勵，自由發揮，下次就會畫好D。

跳飛機

時代改變，跳飛機的設計也改進了，新的舊的你喜歡那種？

煦煦筆下的爸爸

難得一次畫得以樣，有個頭，有頭髮，有眼睛，有手，有腳，個樣重係開心笑！
煦煦控制寫字未係發展得好好，所以在指示下，自己繪畫出來的(外太空人)爸爸，已經幾好呀，四肢健全。

開學了

煦煦今年已經讀N2(即K1)，今早準備返學時他已表現得期待，一時問今天星期幾，一時又話好想返學，重再三提醒要帶"被仔"。由於今年改返全日，有中午睡覺時段(二小時)，所以要自行帶備家當。新老師，新同學，新校車，希望煦煦可以早日適應。

好孩子

學期尾，阿煦被學校頒發最多閱讀課外圖書奘及好孩子奘。
前者，應該我同玲姐攞，因為閱讀報告全部係我同佢揸住阿煦隻手做(劃圖畫)。
後者，其意是讚揚孩子的愛心表現認同與及懂得關顧别人的行為，由老師們選出。我認為這個奘應當歸與我們的主，是衪親自教導阿煦，而我與玲姐只是托管衪所贈的孩子，用衪的真理(聖經)教導他成長。
為人父母的兄弟姊妹，路還是慢長，因材施教，每天都會有新的挑戰，
但相信帶領孩童走在 主的道路上，每個人都是 主的好孩子。
願榮耀歸與主耶稣基督，阿門!

海洋公園的一天

一張銀咭(全年証),造就一年前後三次到訪海洋公園的機緣,計落都值.
貴人出路,招風雨,三年幾都未試過掛的八号風球,終於在出發前高掛,結果要延遲一天,浪費了特別請的假期.

今次到訪,目標有二:
1. 安安、佳佳
2. 水母館

又介紹你識...靚仔髮形師Ken哥哥

由於剪開個姐姐放長假，所以就揾爸爸嗰個頂住先，係咪好爽呢！
留意呀！此髮廊附設拍車位，幾方便嫁！

Kung Fu Panda

熊貓熱...，08年夏天上演，好期待呀！
"史力加"後Dreamwork又一力作。
http://www.dreamworksanimation.com/dwa/opencms/index.html

介紹你識...郭煦好朋友-何醫師

還用毛筆開藥單的醫師已經好小見，你睇煦煦有幾留心便會知道!
呀!又或者，佢係擔心今次劑藥有幾苦?
大夫..."筆"下留情呀...!!

耐人尋味?!

某日與煦煦，於某商場廁格內"方便"時，發現此張嚇人告示。
嘩！即時環顧四週，快快攪掂走人！點知幾時巡到入嚟？！
如此警告字句果然有效！你睇隻眼望實你呀...怕未

甜在"頸"上

第一次收到煦煦做的父親節禮物 -- "領帶"一條。
甜在"頸"上。:>

偉大的祖國呀...

知道点解有一億股民在國內嗎？

大吉利事

沒有預計過會佔昂遺容，心情難免有些緊張，聽着親友尾尾道來的住事，感覺就好像親人般的親切。
當然，此刻相方的感受遠矣!
尤景,經過一世人之後,可以留低什麼給後人呢?吉議一封?一元搭車?一粒糖?一張紙巾...?或是一份永不磨滅的"情"?藏在親人的心底處.
願Alison的祖母現在於天堂上正與上帝同在.

祝君:真惜眼前人,天家見呢!

賽車手

恰巧師傅出新車，而我日前得同事"Sykes"轉贈"扭扭車"一架給小兒，現在我家已經擁有四架名車，停放於客廳中，而小爺有時也會泊車於睡房，可能怕被偷呢？!"扭扭車"實在好玩又易上手，煦煦三兩吓手腳已經上手控制自如，有望他日成為賽車手...$$$
無奈地，我家客廳也改為跑道，以便小爺練車或遊車河。所以原來多用途的客廳，現在更多用途...好不熱鬧呀。
得閒上嚟我屋企，小爺同你遊車河吖！？
*煦煦還有点微燒，也開始有些鼻水與咳.願主醫治。

嬉"水"無益? 小病是福!

昨晚,兩父子高高興興七点鐘去到東區泳池游水(實質係浸水,又可以話係洗澡).郭煦由開頭怕水唔肯落,至最後唔願走,足足玩咗一個鐘.之後開開心心地与睇我哋游水的媽媽回家...食奶...睡覺...那又估到一早起牀,婆婆与媽媽便說:[煦煦發燒了...39幾!].當然,我便成第一罪人呢!冷親佢,食到正... :<
而郭照又可享用佢特權,就係上我哋張牀一齊瞓,sorry...係我瞓地下,佢瞓大牀.
最後,為求個明白,我哋查詢仁醫趙醫生,得來初步估計係煦煦本身可能已帶有一定的病毒,而在他體弱時發作.
我哋會堅持繼續游水做運動,小病是福.

國寶=牛奶妹

跟紅頂白，自從奸計得逞之後，本網人氣直升，收視連連報喜，更勝正排牌網誌！
多謝大家支持，再下一城，送上可愛"牛奶妹"加國寶"熊貓"一對，睇落形態與身形都十分相似。
最似都係由"熊貓"爸爸媽媽所生的，阿石，晚晚揍女，你嘅黑眼圈都有返噤上吓喎！？
祝願觀者四肢發達，身體健康，回歸十年萬歲，"香港始终有你"。
:>

可愛的"牛奶妹"

為提高"郭"家大事的點擊率，都要出吓計仔...皇牌"牛奶妹"座陣，收視一定有保証！
你睇吓我哋合作得幾愉快，幾時過檔呀？

煦煦与同學仔,親子一天遊

与煦煦同學仔-親子一天遊 29-4-2007

有時間不防望吓,D士多吡喱細到唔忍心"擇".

為咗配合奧運馬術熱...我都想試吓坐...搖吓搖吓...都喺坐飛機玩具先。(樓下公園新玩具。)

對待大細路都或者有用...!

*多謝阿煦同學仔"欣欣"媽媽提供資料。

Big kiss !!